Madhya Pradesh-ah call centre lem 2 manchhuak

Madhya Pradesh-ah ni thum chhungin call centre lem, cyber kaltlanga midang bum ṭhin pahnih man chhuah a ni. Mi bumnaa inhnamhnawiha rinhlelh, mi 29 man an ni tel bawk.

Mandsaur district huam chhunga Shamgarh khawpuiah November 14 khan a ṭum khatna atan call centre lem hi man chhuakin, hemi rual hian ṭhalai rual naupang tak tak 22 chu man an ni tel. An zinga 18 hi hmeichhia an ni. Hemi hnu hian police te chuan state khawpui, Bhopal-ah ṭhalai rualin an enkawl call centre lem an man chhuak leh bawk a ni. He thila in hnamhnawih mi pasarihte chu kum 18-26 inkar niin an zingah hian hmeichhia kum 21 mi pakhat a tel a ni.

Mohd Yusuf Qureshi, DIG cyber cell chuan," Call centre lem te hi diamon research company website leh a kaihhnawih app lem te buaipui anga in sawiin, an hnena bank account an thehluh kal tlang hian an mi rawih te chu Rs 4500-5000 te an hlawh tir ve ṭhin bawk. An mi bumte hi sum tam tak hmulet tur angin an hrilh ṭhin a ni" tiin a sawi.

Bophal-a call centre lem an siam hma hian heng mi bum ṭhintute hi ramchhung hmun dang dang - Ahmedabad, Mumbai, Lucknow, Indore leh Hyderabad ah te hetiang kaihhnawih mi bumna ah hian hna an lo thawk tawh ṭhin niin tarlan a ni bawk.