ED in Amazon, Flipkart-te chhui chiang dawn

Enforcement Directorate(ED) chuan e-commerce giant Amazon leh Flipkart te chu foreign investment regulation bawhchhiatna awm nia report a awm avangin a chhui chiang dawn.

Central agency hian he company pahniha executive-te chu thu zawhfiah turin a ko dawn a ni. E-commerce company lian pahnihte hi ED hian Foreign Exchange Management Act(FEMA) tlawh chhanin chhui chian an ni dawn a, hemi kaihhnawihah hian agency chuan Amazon leh Flipkart vendor-te awmna hmun 19 a lo dap tawh a, hengte hi Delhi, Bengaluru, Mumbai, Hyderabad leh Panachkula (Haryana) a awmte an ni.

Company pahnihah hian vendor duhsak bik awm anga sawi niin, hei hian market-a inelna awm a ti buai a, vendor-te lakah harsatna a thlen niin an sawi. Hei hi FDI kaihhruaina bawhchhiatna nia sawi a ni bawk. Amazon leh Flipkart chuan hemi chungchangah hian thuchhuah engmah an la siam lo thung.