India leh Australia-in REP tlangzarh

India leh Australia chuan ram pahnih inkara renewable energy sector tih hmasawnna tura thawh dunna, Renewable Energy Partnership (REP) an siam chu an tlangzarh.

REP tlangzarhna hun hi G20 Brazil summit hmanna kar lakah prime minister Narendra Modi leh Australia prime minister Anthony Albanese te chuan 2nd India-Australia summit hmang ve in, REP hi an tlangzarh a ni. Ram pahnih hruaitute chuan defence & security, trade & investment, education, skills, sports, space, mobility leh ram mipuite inpawh tawnna kawngah thawhdunna nghet leh ṭha zawk neih zel an duh thu an sawi.

REP hian area pawimawh - solar PV, green hydgroden, energry storage, renewable energy project leh a kaihhnawh danga investment tih tawnna, bakah nakin hun zelah pawh renewable lama thawktute skill traning pekna tur chungchanga ram pahnihte thawhdunna tur ruangam a siam dawn a ni. India leh Australia hian 1st India-Australia annual summit-ah REP siam tur hian inremna an lo siam tawh a ni.

PM Modi-a'n Guyana a thleng

G20 Brazil Summit a hman zawh hnuin prime minister Narendra Modi chuan Nilaini khan Guyana ram a thleng a, kum 56 chhunga India Prime Minister-in Guyana ram a tlawh vawi khatna a ni.

Ram pathum tlawha zin chhuak, PM Modi hian Guyana hi a ram tlawh hnuhnung ber tur a ni. Guyana ah hian an preisident Irfan Ali sawmna ti hlawhtlinga zin a ni, November 21 thleng a cham ang.

Prime Minister hian Guyana Parliament special sitting-ah thu a sawi dawn a, hei bakah Carribean ram hruaitute nena India-CARICOM Summit an hmang nghal dawn. He summit-ah hian ram 14 an tel a ni.

Guyana-a a cham chhung hian ram hruaitute kawmin, hnam ziarang leh nunphung in hlutsak tawnna chungchang bakah, kawng hrang hranga thawhdun dan turte pawh a sawipui ang. Guyana ah hian Indian mi leh sa 3,20,000 cheng an awm niin Ministry of External Affairs chuan a tarlang.