BSF-in Indo-Bangladesh ramri ah rangkachak Rs vbc 4.3 hu man

Border Security Force(BSF) chuan India leh Bangladesh inrina bul, West Bengal-a North 24-Parganas district-ah rangkachak (gold biscuit) 50, Rs vbc 4.3 man hu an man.

South Bengal Frontier, BSF thupuangtu leh DIG ni bawk N.K Pandey chuan,"Intelligence aṭanga hriattirna an dawn angin 5 BN BSF chuan Tentulberia Border Outpost aṭanga meter 2,700 a hla, Anchalpara thingtlang khua an dap a. BSF sipaite a hmuh hian mi pakhat chu a in aṭanga tlanchhuah a tum a, sipaiten van lam hawia silai an hmehpuah hnuah a inpe ta a ni," a ti. Tlanchhiat tumtu chenna in an dap hnuah bag chhungah gold biscuit 50 hi hmuh a nih thu a sawi.

Engineer an man hian he rangkachak hi Indo-Bangladesh Border (IBB) kaltlanga a dawn niin, rei vak lo a kawl hnuah mi dang hnena hlan tur a nih thu a sawi a ni. Rangkachak a hlan chhawn manah hian vawi khatah Rs 500-1000 hlawh tura tih a nih thu a sawi bawk. Thawhṭanni khan rangkachak hi a dawng a, mahse midang hnena a hlan chhawn hmain BSF in an man ta a ni.

An mi man leh rangkachakte hi Director of Intelligence(DRI) Kolkata hnenah chhui chian turin hlan an ni.