Naupang maktaduai 35-te'n venhim an ngai: Kanth
Delhi Commission for Protection of Child Rights (DCPCR) chairperson Amod K Kanth chuan India rama naupang venhim leh enkawl ngai maktaduai 35 vel an awm thu a sawi.
Juvenile Justice Act (JJA) 2000, hnuaia Integrated Child Protecton Scheme (ICPS) kaltlangin sorkar leh pawl hrang hrang tan naupang enkawl tur hi category 10 a awm thu Kanth chuan a sawi bawk.
Arunachal Pradesh DGP hlui, Kanth chuan kumtinin ramchhungah IPC crime nuai 27-30 vel a thleng ṭhin a, heng zinga 38,000 chu naupang kaihhnawih a ni, a ti. Prayas Juvenile Aid Centre (JAC) Society general ni bawk, Kanth hian Delhi-a Nirbhaya pawngsual rawnna rapthlak tak a thlen hnu khan, ramchhung hmun hrang hrangah Juvenile Justice Act siamṭhat phutna a awm a, pawikhawihna lian thama inhnamhnawih, kum tlingloa pawm chin chu kum 18 aṭanga 16-a tihhniam rawtna nasa tak a nih hnuin, May 7 khan Juvenile Justice Amendment Bill chu Lok Sabha-ah pass a ni. He bill siam ṭhat hi kum 16-18 inkar, pawikhawihna lianthama inhnamhnawihte kum tling anga an chungthu relsak theihna tur a ni.