Khawlum vanga thi 432 an tling tawh

Khawlum lutuk avanga Andhra Pradesh leh Telangana state-a thi zat chu nimin thleng khan mi 432 an tling tawh a, West Bengal khawpui Kolkata-ah chuan chhun dar 11 aṭanga tlai dar 4 thlengin taxi-te an ding bawk.

Indian Meteorological Department chuan May 30 thlengin khua hi a la lum chhunzawm zel dawn tih an sawi. Andhra Pradesh leh Telangana state-te bakah, Rajasthan, Madhya Pradesh, Maharashtra, Odisha, West Bengal, Uttar Pradesh, Chhattisgarh leh Karnataka-te'n khaw lum hi an tuar nasa zual a ni.

Bengal Taxi Association chuan nimin aṭang khan chhun khawlum zuallai, dar 11 aṭanga tlai dar 4 thlengin taxi service an chawl a, hei vang hian mipuite'n harsatna an tawh phah nasa hle.

AP leh Telangana sorkarte chuan nisa leh khaw lumin ziaawm lam a la pan theih loh avangin fimkhur turin mipuite an chah a, tui lam chi in tam tur leh, khawlum lutuk vanga taksa lama harsatna an neih chuan damdawi-in hnai ber pan thuai turin a chah. District tina thuneitute chu ORS leh thil tuiril lam chi te rel leh bus station-ah inchhawp reng turin a chah bawk.