Khawpui 60-ah sorkarin exhibition buatsaih dawn

Prime Minister Narendra Modi kaihhruai NDA sorkar chuan a kum khat tlin lawmna pualin, ramchhunga khawpui lian 60-ah sorkar hnathawh leh hlawhtlinna a neih te, a policy hrang hrangte pholanna tur exhibition a buatsaih dawn. Hei bakah hian mobile publicity van 345 hmangin sorkar policy-te hi puanzar a ni bawk ang.

Information and Broadcasting Minister Arun Jaitley chuan Directorate of Advertising and Visual Publicity (DAVP) buatsaih exhibition hmasa ber chu nimin khan New Delhi-ah a hawng a, khawpui dangah pawh hawn chhunzawm zel a nih tur thu leh, June 1 thleng neih a nih tur thu a sawi.

State hrang hrang khawpuiah exhibition hi neih a ni dawn a, hengahte hian tualchhung ṭawng veka buatsaih a ni ang. Mobile van 345 pawh NDA sorkar hnathawhte puangzarin district hrang hrangah a tahtawla kal tir an ni bawk ang.