Swiss-in bank account neitu hming puang

Ramdangte nawrna avangin Switzerland sorkar chuan an rama bank account nei, ramdang mite hming a puang a, an zingah hian India mi panga an tel.

Swiss Federal Tax Administration (FTA) chuan India mi pangate hming a puan bakah hian, midang pahnihte chu thuneitute hnena an nihna puanzar an duh loh chuan ni 30 chhunga Federal Administrative Court-a appeal turin a ti bawk.

Special Investigation Team (SIT) chuan ram pawna sum chheprelhte lakkir tuma a beihna kawngah bank account neite zawnchhuah tumin a bei zel a, Swiss bank-a account nei mi 340 te hming pawh a lakkhawm tawh thu leh, heng mite sum neih zat hi cheng vaibelchhe 4,000 a tling thu a sawi. Tuna Switzeland thuneitute'n bank account neite hming an puan hi SIT tan a ṭangkai dawn a ni.