India ramah Covid-19 vangin mi 73k chuang thi tawh
Ministry of Health and Family Welfare-in nimina report a tihchhuahah hri kai hmuh chhuah thar 89,706 lai an awm leh a, nimin report an tihchhuah thleng hian ramchhung hmun hrang hrangah hri kai hmuh chhuah mi 43,70,128 an awm tawh.
Hri kai hmuh chhuah nasa taka an pun mek karah hian enkawl dam pawh an tam tawh hle a, nimin report-ah chuan darkar 24 chhungin mi 74,894 dama puan an ni leh tih sorkar chuan tarlangin hri kai tawh zinga mi 33,98,844 chu an dam leh tawh a ni. Mi 1,115 an thih belh leh bawk a, hei nen hian India ramah Covid-19 vangin mi 73,890 an thi tawh a, hri kai mek 8,97,394 an la awm.
Enkawl dam tawh rate hi 77.77% a ni tawh a, hri kai mek hi 20.53% niin thihpui rate chu 1.69%-ah a tlahniam tawh a ni.
ICMR Report
Indian Council of Medical Research (ICMR) chuan nimina report an tihchhuahah Thawhlehni khan sample 11,54,549 an endik leh tih an tarlang a, hri len ṭantirh aṭanga nimin thleng khan sample 5,18,04,677 an endik tawh. India ram hi khawvela ni khata sample test tam ber ram zingah a tel.
ICMR hian sample endikna tur hian ramchhung hmun hrang hrangah laboratory 1,678 a pawmpui tawh a, sorkar laboratory 1,040 leh private laboratory 638 a pawmpui.
Maha-ah mi nuai
9.4-in hri an kai tawh
India ram State/UT zinga hri kai tamna ber Maharashtra-ah chuan nimin report-ah hri kai 20,131 hmuh chhuah an ni leh tih tarlan niin Maharashtra-ah hian hri kai hmuh chhuah 9,43,772 an awm tawh.
Hetih lai hian an zinga 6,72,556 zet chu an dam leh tawh a, 27,407-in thihpui tawh bawkin mi 2,43,809-in hri an la kai mek.
Andhra Pradesh-ah chuan hri kai 5,17,094 awm tawhin 4,15,765 chu an dam leh tawh a, Tamil Nadu-ah chuan 4,74,940-in hri an kai tawh a, heng zinga 4,16,715 chu an dam leh tawh a ni.
State/ UT hri kai tam zualte dinhmun:-
Sl.No State Kai tawh Kai mek Dam tawh Thihpui
1 Maharashtra 9,43,772 2,43,809 6,72,556 27,407
2 Andhra Pradesh 5,17,094 96,769 4,15,765 4,560
3 Tamil Nadu 4,74,940 50,213 4,16,715 8,012
4 Karnataka 4,12,190 96,937 3,08,573 6,680
5 Uttar Pradesh 2,78,473 63,256 2,11,170 4,047