Defence Minister Singh leh China Defence Minister inbia

Defence minister Rajnath Singh leh China defence minister Dong Jun-te chuan Nilaini, November 20, 2024 khan ram pahnihte inkara in nghirnghona awm ṭhin tih ziaawmna tur atana hmalakna kal zelah inbiakna an nei.

Ram pahnih defence minister-te hian Laos khawpui, Vientiane-ah inbiakna hi neiin, India leh China sipai te Ladakh khawchhak lam aṭanga an in saseng zawh hnu ah inbiakna an neihna hmasa ber a ni. Singh hian ram pahnihte chu in rintawnna leh hriatthiamna ṭha siam leh tura inrem theih thu a sawi.

India leh China inbiakna hian khawvel huapa ralmuanna leh hmasawnna a thlen thei dawn tih Singh chuan sawiin, "Ram pahnihte chuan ṭhenawmṭha nih chhunzawm kan tum a, buaina ni loin thawhdunna ṭha siam chu kan tum ber a ni," a ti.

Association of Southeast Asian Nations (ASEAN) Defence Ministers' Meeting Plus(ADMM-Plus) hmang turin Rajnath Singh hi Laos ah hian a zin a, ni thum a cham ang. He hunah hian ASEAN huam chhunga ram 10 leh an thurualpui ram pariat aṭang aiawhte an tel.

External Affairs Minister S Jaishankar pawh in Thawhṭanni khan G20 Summit neih kar lakah China External Affairs Minister nen Demchok leh Depsang hmun aṭanga sipaite in hnuhdawk chungchang te, patrolling neih chhunzawm dan turte an lo sawi dun tawh bawk. Minister pahnihte hian hmalak zel dan tur pawh an ngaih tuah thu Ministry of External Affairs (MEA) chuan an tarlang.