India-in a ṭum khatna atan ICA conferece thleng dawn

India chuan a ṭum khatna atan kar lehah hian khawvel pum huap International Cooperative Alliance (ICA) conference a thleng dawn. Prime minister Narendra Modi-a'n November 25, 2024-a conference-ah hian ‘United Nations International Year of Cooperatives 2025’ a hawng nghal dawn a ni.

Khawvel huap cooperative movement, ICA din a nih aṭanga kum 130 hnuah India-in global conference a thlen ṭum khatna tur a ni a, November 25-30 chhung neih a ni ang.

Cooperation Secretary Ashish Kumar Bhutani chuan he hunah hian palai 3,000 bawr chu an tel theih a rin thu sawiin, an zinga mi 1,000 chu ram pawn lam aṭanga lo tel tur niin a sawi.

Bhutan prime minister Dasho Tshering Tobgay leh Fiji deputy prime minister Manoa Kamikamica te chu khualṭha anga an tel theih beisei a ni bawk. Union cooperation minister Amit Shah chu Thawhṭanni November 25 hian conference hawnna inkhawmah khuallian niin, session pawh a kaihruai nghal dawn a ni.

Ashish Kumar Bhutani chuan,"Ram 100 chuang aṭangin an rawn tel thei dawn a ni. He huna tel thei tur hian dilna pawh kan dawng nual a, ram thenkhatin phalna pek an mamawh avangin Ministry of External Affairs chuan chung ram aiawhte tel phalna a pe a ni," a ti.

Khawvel puma cooperative awm zinga 25% chu India-a awm a nih thu Bhutani chuan a sawi a, India-ah hian cooperative nuai riat chuang awmin he khawmpui lian hian Indian cooperative te tan in pholan na hun ṭha a siam ngei dawn ni a a ngaih thu a tarlang bawk.

IFFCO manging director, U.S Aswasthi chuan he khawmpui lian hi carbon neutral a nih tur thu leh peepal thing 10,000 chuang ramchhung hmun hrang hrangah phun a nih bakah , ei leh in atan pawh zu tel loin thlai lam chauh sem a ni dawn tih a sawi.

Aswasthi chuan he khawmpui thupui atan hian 'Cooperatives Build Prosperity of All’tih chu hman a nih dawn thu leh, subtheme-ah Enabling Policy and Entrepreneurial Ecosystems; Nurturing Purposeful Leadership to Create Prosperity for All; Reaffirming The Cooperative Identity; Shaping the Future: Towards Realizing Prosperity for all in 21st Century tihte chu hman a ni dawn tih a sawi bawk.