Navy lawng leh sangha manna lawng insu

Indian Navy tuihnuai lawng leh sangha manna lawnglian chu Ningani khan Goa tuipuiah an insu a, sangha mantu zinga pahnih chin hriat lohin an awm.

Ministry of Defence chuan sangha manna lawng, Marthoma ah hian thawktu mi 13 awmin, Goa tuipui kam atanga tuipui mel 70 velah Navy Scorpene-class submarine nen hian an insu tih a sawi. Indian Navy lawng paruk leh thlawhtheihna pakhat hmangin chin hriatloh te zawn hna an thawk nghal a, sangha mantu 11 te chu him taka chhanchhuah an ni. Mi pahnihte erawh chu an chin hriat a ni lo a, Maritime Rescue Coordination Centre Mumbai (MRCC) nen thawk dunin nimin khan zawn hna thawh chhunzawm zel a ni. Lawng pahnih insut chhan pawh hi chhui chian mek a ni bawk.

Kumin August thla khan Tamil Nadu tuipuiah sangha manna lawng leh Sri Lanka Navy lawng an lo insu tawh bawk a, sangha mantu pakhat a thi a ni.