SEA-a malaria case tlem chak ber ram India

World Health Organisation (WHO) chuan report an tihchhuahah India ram chu Malaria dona kawnga hma la hlawhtling ram zinga mi a nih thu sawiin South-East Asia rama case tlem chak ber ram a nih thu an tarlang.

Kum 2000-ah khan India ramah hian case maktaduai 200 vel zet a awm laiin nikumah kha chuan mtd 5.6 vel chiah a awm a ni. Thawhṭannia World Malaria Report 2020 an tihchhuahah hemi chungchang hi tarlangin khawvel pumah malaria case mtd 229 a awm tih leh nikum chhung khan mi 4,09,000-in an thihpui tih an tarlang. Kum 2018-ah khan mi 4,11,000-in an thihpui bawk.

WHO Director General Dr Tedros Adhanom Ghebreyesus chuan report foreward-ah South East Asia ram hrim hrimah Malaria case a tlahniam nasa tih a tarlang a, thihpui pawh an tlem telh telh tih a sawi bawk a ni. Kum 2000-ah khan India ramah hian malaria vanga thi mi 29,500 an awm laiin nikumah kha chuan 7,700 an awm thung.