Maharashtra leh Jharkhand inthlan result hriat ta

Maharashtra leh Jharkhand assembly inthlan result chu kar liam ta Inrinni khan puan a ni. Maharashtra-ah rorellai, BJP kaihhruai ṭangrual pawl Mahayuti chuan sorkarna an chelh chhunzawm dawn a, Jharkhand-ah Jharkhand Mukti Morcha(JMM) kaihhruai an chak thung.

Maharashtra-ah hian assembly seat 288 awmin BJP kaihhruai Mahayuti chuan seat 233 an la thei a ni. Eptu Congress kaihhruai ṭangrual pawl, Maha Vikas Aghadi (MVA) chuan seat 50 chauh an la thei. Hei vang hian a ṭum khatna atan Maharashtra assembly-ah Leader of Opposition an awm thei dawn ta lo a ni.

Jharkhand-ah rorellai, BJP chuan hnehna a chang zo lo thung. Tribal tamna bial, Santhal Parga region-a bial 28-ah BJP hian seat khat chauh an la thei a ni. JMM kaihhruia ṭangrual pawl, Mahagathbandhan (MGB) chuan hnehna changin, JMM hian seat 34 an la a, Indian National Congress (INC) in seat 16 , Rashtriya Janata Dal (Democratic) in seat 4 leh Communist Party of India (Marxist–Leninist) Liberation (CPI(ML)L) in seat 2 an la. Hemant Soren kaihhruai Jharkhand Mukti Morcha(JMM) leh a thawhpuite chuan assembly seat 81 awmnaah seat 56 sokar thar an siam thei dawn ta. BJP chuan seat 21 chauh an la pha thung.

Maharashtra sorkar thar hi ni thum chhunga tih fel hman beisei a ni a, , Jharkhand sorkar hi naktuk, November 26-ah lak luh hman tum a ni.