Parliament thlasik ṭhutkhawm ṭan hmain all-party meet nei

Tihdan phung pangngai angin, Parliament thlasik ṭhutkhawm ṭan a nih hma, nimin khan sorkar chuan all-party meeting a ko. Parliament thlasik ṭhutkhawm hi vawiin aṭangin an nei dawn a ni.

Pathiannia all-party meet-ah hian Parliament-a bill put luh tur hrang hrang 16-te chungchang ngaihtuah a ni. Meeting-ah hian BJP president JP Nadda, Congress party hruaitu - Jairam RAmesh leh Gaurav Gogoi, T Siva, Harsimrat Kaur Badal leh Anupriya Pate te pawh an inlan.

Meeting-ah hian Congress chuan Manipur buaina te, North India boruak bawlhhlawh chungchang bakah rel accident tam chungchang chu sawi hona neih an rawt bakah, tun hnaia thamna sum tam tak ti chingpena puh Adani chungchang chu ngaihtuah ho nise tiin rawtna an siam bawk.

Congress hruaitu Pramod Tiwari chuan an party chuan sorkar hnenah Adani chungchang buaina awm hi ngaihtuah ho rem ti turin a duh hle a ni tih a hrilh niin thuthar thehdarhtute a hrilh. Rajya Sabha MP hian company-in Rs vbc 2,300 ngawt mai an company solar energy project atana hmang loa politician leh bureaucrat te duhsak nan a hmang anga sawi chu ram economy nghawng thei a ni tih a sawi.

Sorkar laipui chuan Parliament session-ah hian bill 16 pharh a tum a, heng zingah hian Waqf Amendment bill pawh tel.