Jhansi Hospital kanga thi zat pun belh

Uttar Pradesh-a Maharani Laxmi Bai Medical College, Jhansi-a kangmei chhuak vanga thi chu mi 17 an tling tawh niin nimin, Pathianni khan official-ten an sawi.

November 15 zan khan he damdawi-ina neonatal intensive care unit-ah chuan kang mei chhuakin, nau piang hlim 17 in nunna an chan phah tawh. Kangmei chhuak aṭang hian nau piang hlim 39 chan chhuah hman niin, kangmei chhuah zan hian an zinga 10 chuan nunna an chan a ni. Mi dangte hi uluk taka enkawl zui ni mah se, a hnuah pasarih dangin nunna chan lehin, kangmei chhuah hnua thi nen mi 17 an tling tawh.

Hetih lai hian medical college principal Dr Narendre Singh Sengar chuan Inrinnia thi, nausen pahnih chu post mortem an nih hnuah natna dang vanga thi an ni tiin a sawi thung. Heng nausente hi an pian hlimin grams 800 chuah an nih thu leh, pakhat hi a lungah kua a awm thu a sawi. An ruang hi an chhungte hnena hlan an ni tawh tih a sawi bawk.