Wayanad Lok Sabha member atan Priyanka Gandhi

Kerala-a Wayanad Lok Sabha seat hnawhkhahna tura by-election neih takah, All India Congress Council (AICC) general secretary Priyanka Gandhi Vadra chu hneh taka thlan tlin a ni.

Kumina Lok Sabha inthlanpui neihah Wayanad bialah hian Congress party hruaitu leh, Priyanka Gandhi nuṭa, Rahul Gandhi thlan tlin a ni. Mahse Raebareili ah thlan tlin ni bawkin, Wayanad bial zawk hi a chhuahsan a, bye-election neih a ngai ta a, Priyanka Gandhi hian a nuṭapa bial chhuahsanah hian a chuh ve ta a ni.

Priyanka hian a khingpui, CPI candidate Satyan Mokeri chu vote 4,10,931 laiin a hneh a, a hnehna hi vote tla aṭanga 65% a tling pha. Mokeri hian vote 22.08% chauh a hmu pha a ni. Priyanka hian Rahul Gandhi-a'n 2024 Lok Sabha inthlan hnehna a channa ai khan vote a hmu tam zawk.

Wayanad MP atana thlan tlin a nih thu a hriat hnuah, Priyanka Gandhi Vadra chuan lawmthu sawiin, Parliament-ah mipui tana awm a nih tur a sawi. Duhsak taka vote-tute chungah lawmthu a sawi bawk a, Wayanad mipui te tan hian a theihna zawng zawng hman a tum thu sawiin, "Hnehna ka channa hi mipui te hnehna chan a ni tih hi chiang takin ka ti lang dawn a ni" tiin a sawi.