Putin-a'n India rawn tlawh a tum

Russia president Vladimir Putin chuan December chawlh kar hmasa ber hian India rawn tlawh a tum.

President Putin hi Indo-Russian annual summit hmang tura kal a tum a, he summit hi ram pahnihten kumtin an neih ṭhin a ni. Putin hian Russia-Ukraine indona a thlen hnua India a rawn tlawhna hmasa tur a ni ang.

Russia chu Putin rawn zinna tur atan hian a inbautsaih mek tih an ram parliament, Kremlin thupuangtu Dimitry Peskov chuan chuan a sawi. Putin a zin tur hi tih chian ni tawh mah s, a ni tur tak erawh chu ram pahnihten inbiakna an neih hnuah tih fel a ni dawn tih a sawi.

Prime minister Narendra Modi hian kuminah Russia hi vawi hnih a tlawh tawh thung a, July thl akhan first annual summit hmangin a tlawh a, October thlaah BRICS summit hmangin a kal leh bawk. Ram pahnihte inkar hi tun dinhmunah chuan a ṭha rih hle, 2023-2024-a an insumdawn tawnna pawh USD tld 65 a tling tawh a ni.

Indo-Russian annual summit vawi hnihnaah ram pahnihte thawh dunna hi thuk leh zual asiam theih beisei a ni . He hunah hian 'Special and Privileged Strategic Partnership' hmangin trade, economics leh scientific lama thawhdunna turte chu thlurbing tum a ni bawk.