Sambhal mosque-a inbeihnaah mi 3 an thi

Uttar Pradesh-a Sambhal hmunah Pathianni khan 16th century Shahi Jama Masjid survey neitute chu mosque-a mipui kalkhawme chuan lung hmanga lo beiin buaina a thleng zui a, mipui leh police in nawr zuiin inbeihna vang hian mi pathum in nunna an chan.

Mipui pungkhawm hian survey team te hi lung hmangin an lo bei a, survey team-ah hian police ṭhahnem tak an awm tel a ni. Police-te chuan mipui laka invenna atan tear gas te hman a nih thu an sawi a, mipui lam hian silai hmeh puah a nih thu an sawi ve bawk.

He inbeihna thleng kaihhnawihah hian mi 16 man anni tawh a, an zingah hmeichhia pahnih an tel. Inbeihnaah hian hliam tuar mi 20-22 vel an awm a, hliam zingah hian police CO pawh a tel a ni.

Survey hi local court-in a a hriattir anga neih a ni a, hei hi temple hmasa zawk Mughal ho tih chhiat chungah Mosque hi din leh nia sawi a nih vang niin, Hindu nen a a hmun hi an inchuh a ni. Mosque ah hian November 19 khan survey neih lo ni tawh bawk.