Delhi-a sikulah 'Hybrid Mode' hmang dawn

Sorkar laipuia air quality panel chuan Supreme Court thurawn angin, Thawhṭanni khan state chhunga sorkar, private leh civic body enkawl sikul zawng zawng te chu "hybrid mode" hmanga zirna kalpui turin a hriattir. He mode hi online leh offline-a zirlai kalpui niin, zirna in tinte chu hmang nghal tura tih an ni.

Commission for Air Quality Management(CAQM) chuan Delhi-a Graded Response Action Plan-4(GRAP) an hman mek chu ennawn lehin, khawpui boruak chuan zirlaite hriselna a la nghawng phak avangin zirna in hrang hrangte hnenah 'hybrid mode' chu hmang turin a hriattir a ni.

Director of Education(DoE) chuan Clause 11 of GRAP Stage-III, Clause 5 of GRAP Stage-IV leh Clause 8 of GRAP Stage-IV te in a phal ang in state chhunga zirna in, class 12 chin leh college-ahte hybrid mode a kalpui turin a ti a, hei hi zirlaite hriselna venhimna tur atana tih a nih thu a tarlang.

Delhi boruak hi Thawhṭanni thleng khan Air Quality Index (AQI)-ah 'Alarming' hnuaiah a la awm mek bawk. Mahse kar hmasa lam aiin a tlahniam tawh thung. AQI-ah hian nimin khan 318 a la kai pha niin Central Pollution Control Board chuan an tarlang.

Delhi leh National Capital Region (NCR)-a sikul zawng zawng chu khawpui boruak bawhhlawh zual zel avangin October 18 khan online in an kal a ni. Mahse boruak bawlhhlawh hian ziaawm lam a pan hret avangin, Supreme Court chuan online ringawt ni loin, school leh college-a physical class kalpui ṭan dan hi ngaihtuah turin a lo ti tawh a ni.