CBI-in hna lak dan dik lo vangin TMC hruaitu man

Central Bureau of Investigation(CBI) chuan Thawhṭanni chawhnu lam khan West Bengal-a Trinamool Congress (TMC) hruaitu,Santu Ganguly chu zirtirtu hna lak chungchanga thil dik tawk lo awm vangin an man.

TMC hruaitu Ganguly hi Bengal state industry minister hlui Partha Chatterjee nen a in hnimhnai tak niin, agency lam hian sorkar sikula zirtirtu lak dan felhlel awm chungchangah zawhnate an zawt a ni. He thil dik lo tihnaah hian inhnamhnawih ve ngei a ni tih finfiahna an neih bakah, sum hman dan dik lo tichiangtu pawh an nei niin agency official-te chuan an sawi.

CBI hian Behala-a Ganguly chenna in chu a hmain an lo dap tawh bawk. Hemi ṭum hian bank kaihhnawih document, chhuizawm theih tura a kawl pawh an lo man tawh a ni. Ganguly hi hnuchhuina kal zel vangin biak pawh theih lohin an hreng mek rih niin an tarlang. Enforcement Directorate lam pawhin thil dik lo tihna kaihhnawihah hian a chenna in an lo dap sak tawh bawk a ni.