NIA mihring hmanga sumdawnna kaihhnawihah beihpui thlak

National Investigation Agency(NIA) chuan nimin, Ningani khan mihring hmanga sumdawnna kaihhnawihah ramchhunga state paruk huam chhunga hmun 22 an dap.

He dap chhuahhna beihpui an thlak hi zingkar aṭanga thawh niin, NIA team hi state police force ten an ṭawiawm bawk. He beihpui thlakna hi hmun hang hrang aṭanga hriatirna an dawn bawhzuina leh, mihring hmanga sumdawnna awm te tih tawpna tur atana buatsaih a ni. An mi rinhlelhte chenna leh innghahna hmun ni a hriatte chu an dap a, man erawh an nei rih lo niin a lang.

Thuneitute chuan mihring hmanga sumdawnna thleng ṭhin do let a, supply chain tih tawp leh chhanchhuah hna thawk turin hma an la mek a ni. India ramah mihring hmanga sumdawnna thleng ṭhin vangin kumtinin mi sang telin an tuar ṭhin. A tuarte tam ber hi khawsak harsa zawkte an ni ṭhin. Dinhmun ṭha zawk beiseina avangin bum hi an tawk fo ṭhin a ni.