Delhi-ah ED team in beih tawk

Enforcement Directorate(ED) team-in Delhi khawpuia cyber kaltlanga sum hman dik lohna chungchang chhuichian hna an thawhna hmunah nimin, November 28, 2024 khan beih an tawk. Enforcement Officers(EO) pakhat in hliam tenau a tawk bawk niin official-ten an tarlang.

Agency lam hian he thil thleng avang hian police hnenah FIR an theh lut nghal. Beih an tawhna hi ED team ten Bijwasan huam chhung-a farmhouse a endik laia thleng niin Kapashera police station, South West Delhi-ah thubuai an ziaklut nghal a ni.

I4C leh Financial Intelligence Unit (FIU) ten QR code lem leh part time job hmanga mi dang pawisa, dawt hmanga an chhuhsak kaihhnawiha hriattirna an pek hnuah ED lam hian beihpui hi an thlak a ni. An mi chhuite hian account lem aṭangin debit leh credit card hmangin ṭum 15,000 chuang pawisa an lo la chhuak tawh tih hmuh chhuah a ni.

An card hmanna an chhui aṭang hian UAE-a awm hnenah Pyypl payment hmangin pawisa hi thawn ṭhin a ni a, an pawisa thawn hmang hian Pyypl kaltlang vek hian crypto currency an lei leh tih hmuh chhuah a ni. He network hi Chartered Accountants (CA) enkawl a nih an rin thu an tarlang.

IFS officer laka chargesheet theh lut

Enforcement Directorate (ED) chuan Nilaini khan Indian Foreign Secrvice Neeharika Singh lakah chargesheet an theh lut niin an tarlang bawk.

IFS officer Singh, a pasal Ajit Kumar Gupta, Anee Bullion and Industries pvt Lts., Anee Commodity Broker Pvt ltd leh Anee Securities Pvt Ltd te lakah hian dik lo taka investment ti leh, sum tih chingpen kaihhnawihah Prevention of Money Laundering Act(PMLA) hnuaia section hrang hrang thlawh chhanin chargesheet hi ziah luh a ni.

Pawisa khawih chingpen chungchang hi 2019 aṭang tawh khan ED lam hian an lo chhui ṭan awh a ni. Uttar Pradesh Police te pawh in Gupta lakah hian FIR 33 chuang an lo ziak lut tawh bawk. February 21, 2020 aṭanga October 26, 2020 inkar khan mi chi hrang hrangte chu bumin Rs vbc 110 chuang an lo khawih chingpen tawh nia tarlan a ni bawk.