Gujjar-te'n nawrh huaihawt chhunzawm

Rajasthan-a Gujjar hnamte chuan sorkar hna-ah an hnam puala 5% dah phutin nawrh an huaihawt chhunzawm a, state chhunga district pathumah kawngpui leh rel kawngte an dang leh.

State sorkar leh Gujjar hnam aiawhte hian inremna zawngin ṭum li an inbe tawh a, mahse inremna an la siam thei lo. Hetihlai hian Rajasthan High Court chuan state sorkar hnenah hian nawrh huaihawt mek tihtawp dan ngaihtuah a, rel kawng leh kawngpui dante titawp tura hma la turin a hriattir. Hei bakah hian Gujjar hnam aiawhte nen an inbiak dan chungchangah affidavit thehlut turin a ti bawk.

Nawrh huaihawt a nih vang hian ramchhung hmarlam pana tlan, rel tam tak chu cancel a ngaih phah a ni.