Khawlumah mi thi 1400 an chuang

Ramchhung hmun hrang hrangah khawlum leh nisa lutuk vanga thi chu mi 1,400 an tling tawh a, hetihlai hian Skymet chuan khawlum hian ziaawm lam a pan tawh dawn niin a tarlang.

Skymet CEO Jatin Singh chuan khawlum zual chu a zo tawh a, mahse ruahtui tlak hun chu kar khat velin a tlai maithei tiin a sawi. May 30 leh June 3 inkar hian north, central leh east India ah ruah nasa taka a sur maitheih thu a sawi bawk.

Khawlum lutuk avanga thi chu Nilaini thleng khan mi 1412 an tling tawh a, heng zinga mi 1360 chu Andhra Pradesh leh Telangana state amite an ni.

Andhra Pradesh-ah hian khawlum vanga thi mi 1020 an awm a, Telangana-ah mi 340, Andhra Pradesh-ah 168 an awm bawk. Khawlum lam hi hmun tam takah 41-45 degree celsius a tling.