Gujjars-te'n nawrh an titawp

Rajasthan-a Gujjars hnamte'n sorkar hna leh zirna-ina an hnam puala 5% reservation siamsak an phut vanga ni riat nawrh an huaihawt hnuah, state sorkarin an thilphutte ngaihtuah ṭhat a tiam avangin Ningani zan khan nawrh an titawp.

State sorkar chuan Gujjars hnam thil phut chungchangah reser­va­tion bill thar siama ngaihtuah a tiam a, hei bakah hian sorkar lai­puiah pawh thlenpui a tiam bawk. Bill siam thar hi assembly session neih hma­sak berah ngaihtuah nghal a ni ang.

Inremna siam tura sorkar leh Gujjars hnam aiawhte inbiaknaah hian inremna point riat an siam a ni. He meeting-ah hnam Gujjars hnam hruaitu Ki­rori Singh Bainsla leh a ṭhuihhruaite an tel a, sorkar lam aiawhin State Parliament Affairs Minister Rajendra Ra­thore hoin minister pa­thum an tel a ni.

Ni riat nawrh an huai­hawt chhung hian rel kawng leh kawngpuite an dang a, hei vang hian Delhi-Mumbai sector-a rel tlan tam tak a khaihlak a, Jaipur-Agra Highway-a motor tlan pawh a bahlah phah bawk.