Modi-a'n Bangladesh a tlawh dawn

Prime Minister Narendra Modi chuan June 6 hian ni hnih chamin Bangladesh a tlawh dawn a, inkalpawhna, economic leh thil dangahte ram pahnihte thawhdunna neih dan tur a sawipui ang.

Bangladesh-a a cham chhungin PM hian Bangalesh Prime Sheikh Hasina chu inbiakna a neihpui dawn a, mi pawimawh dangte pawh a kawm ang.

West Bengal Chief Minister Mamata Banerjee-i chuan sorkar laipuiin a sawm angin Bangladesh-a PM zin tur hi a ṭawiawm dawn tih a sawi. Hei hian ram pahnihte inlaichinna kawngah nghawng ṭha tak a neih phah ngei an beisei thu West Bengal Education Minister Partha Chatterjee chuan a sawi.

Kum 2011-a khatih laia Prime Minister Manmohan Singh-a'n Bangladesh a tlawh ṭum khan Banerjee-i hi sawm ve ni mah se, a kal duh lo. Tun ṭuma Modi a zuina chhan tur hi Teesta water-sharing chungchang sawiho a nih dawn vang nia sawi a ni. Tui insem dan tur chungchanga inremna hi kum 2011 khan ziah tum ni mah se, Banerjee-i hi a zin ve duhtak loh vangin an ziak thei lo.