IGI Airport-ah nuclear medicine buak vangin radioactive a put

Nimin zing khan Delhi-a Indira Gandhi International Airport-ah nuclear medicine buak vangin radioactive a leak a, mahse chawhnu lam khan tihfai vek a ni tih thuneitute'n an sawi.

Turkey Airlines thlawh­theih­nain a rawn phur, nuclear medicine hi Fortis Hospital ami tur a ni. Radioactive leak hi cargo sector-ah hmuh a ni a, National Disaster Response Force (NDRF) koh luh nghal an ni. Home Ministry chuan thil engkim thenfai a ni tawh a, mahse venthawn thilah cargo sector-a bungrua chingfeltute chu AIIMS-ah hruai an ni tih a tarlang.

NDRF chief OP Singh chuan radioactive leak hi a tlem tham a, chiai phahna tur a awm loh thu leh, passenger area pawh a nghawng phak loh thu a sawi.