States 23-a khualzin hip thei hmun tih hmasawnnna tur pawm

Sorkar laipui chuan state 23 huam chhunga khualzin te hip thei hmun tih hmasawnna tur atan leh tih changtlunna turin project 40, Rs vbc 3,295 chuang hu a pawm.

Union tourism Minister Gajendra Singh Shekhawat chuan project 40 pawm a nih thu hi Ningani khan a sawi. He hmalakna hi state hrang hranga hmun la hriat lar lutuk loh hmunte, khualzinten an tlawhpawh leh hriat theihna tura hmalakna tura ni. Heng project pawmte hi kum hnih chhunga thawh zawh hman tura tih niin, fund hi March, 2026 hmain pek chhuah an ni ang.

Department of Expenditure thurawn angin, Ministr of Tourism chuan state leh UT hrang hrangah tourist centre tihchangtlunna tana guideline te a pe chhuak vek a ni.

He hmalakna hnuaiah hian Tourism Ministry chuan project proposal 87, Rs vbc 8,000 chuang hu a dawng a, heng aṭang hian Ministry hian project 40, state 23 te tan Rs vbc 3,295.76 hu tur chu pawmin proposal hi West Bengal tih loh state chuan an thehlut vek bawk. Department of Expenditure chuan states hnenah direct-in first installment 66% chu an pe anga Ministry of Tourism lam chuan an hmasawn dante an lo ennawn leh dawn a ni.