Naxal hluarna state-ah police station 400 hawn belh dawn

Sorkar laipui chuan ramchhunga Naxal hel hluarna state 10-ah security tihchakna atan police station 400 hawn belh a tum.

Union Home Ministry-a Left Wing Extremism Division chuan sorkar laipuiin state 10-a police station hawn a tum thu hi sawiin, station pakhat dinna atan cheng vaibelchhe 2 ṭheuh dah a nih thu a sawi .

Police station hawn belhna tur state-te chu- Andhra Pradesh, Telangana, Bihar, Chhattisgarh, Jharkhand, Madhya Pradesh, Odisha, Uttar Pradesh leh West Bengal-te an ni.

Sorkar laipui chuan police station dinna tur senso 80% hi a tumsak ang a, a bak 20% chu state in a tum thung ang.