Symptom nei, RAT negative-te test nawn leh turin hriattir

Union health ministry chuan nimin khan state leh UT-te hnenah, ram chhunga hri leng mek chungchangah rapid antigen test hmanga endiknaa an result negative, mahse symptom neite chu RT-PCR hmanga test nawn leh vek turin a hriattir. 

Ministry chuan Covid-19 kai hmuh hmaih an awm lohna tura theihtawp chhuah turin state/UT te a hriattir a, hemi atana hma la tur  hian district leh state level tinah designated team emaw, officer emaw dah vek turin a ti a ni.  

Heng team-te hian RAT hmanga test neihte chu nitin endikin, result negative ni si, mahse taksa lama natna lang chhuak awmte chu RT-PCR hmanga test nawn leh nghal an nihna turin an buaipui ang.