China sipaiten motor boat hmangin ramri kan an tum

Ladakh-a Pangang Lake thlang lama India ramri chinah China sipai te chu motor boat hmangin luh an tum a, mahse India sipai ten an hmu tih an hriat avangin an kir leh.

Thawhṭanni khan China sipai 20 aṭanga 50 vel chu Ladakh-a Chushul hmuna Mu­kherpari hill-ah luh tumin an kal a, mahse India sipai ten an thlitlai tih an hriat avangin an kir leh a ni. A tuk Thawhlehni (September 8) tlai dar 5 vel khan Pangang Lake-a Finger 4 chu motor boat pahnih hmangin China sipaite hian rawn pelh an tum a, he motor-ah hian China sipai 40 vel an chuang a ni. Finger 4 hi May thla aṭang khan China sipaite chuan an ram chinah an nei tawh a ni. 

May thla tir khan China sipaite chuan Pangang Lake-a Finger 8 thleng tura India sipai patrolling chu Finger 4-ah an lo dang a, kha mi thla aṭang khan Finger 4-ah hian India sipai te chuan ro an rel. India chuan Finger 8 thleng hi a ram chinah a chhiar a ni.