Bangladesh-ah Hindu puithiam man

International Sociaty for Krishna Consciousness(ISKCON), Kolkata chuan Hindu puithiam Shyam Das Prabhu chu Bangladesh-ah man a nih thu Inrinni khan an sawi.

Buaina chhuah ṭanna hi Dhaka Metropolitan Police ten November 25, 2024-a Chinmoy Krishna Das Vaishanavite leader leh ISCKON Bangladesh member ni bawk an man, chhuah tura ngena lungawilohna an lantirnaah niin, Shahbag khaw ṭhenawm Chittagong leh Dhaka-ah hian inbeihna hi darh zelin, Hindu leh Muslim inkarah in beihna hi a chhuak chhunzawm nia tarlan a ni.

In beihna thleng vang hian November 26 khan assistant public prosecutor Saiful Islam, Chinmoy Krishna Das-a ukil pawhin a nunna a chan phah bawk.

Heng thil thleng chungchanga Ministry of External Affairs(MEA) in Das man leh bail phalsak lohna chungchang chu thil pawi tak leh Bangladesh-a hnam tlem zawkte bitumna niin a sawi a, hei vang hian India leh Bangladesh inkarah ṭawngkaa inbeihna hi a chhuak zui nasa hle. MEA chuan a thuchhuahah hian Bangladesh-a sorkar lai lawk chu ramchhunga Hindu sakhaw vuantute tana venhimna ṭha pe turin a ngen tel a ni.

Rashtriya Swayamsevak Sangh (RSS) pawh in Inrinni vek khan Bangladesh a Hindu puithiam an man chu rang taka chhuah turin a lo hriattir ve bawk. RSS general secretary Dattatreya Hosabale chuan India sorkar chu Bangladesh a Hindu te laka hleilenna thleng chungchangah hma lakna nei thuai turin a ngen a, he inbeihnaah hian in thahna, in rawkna, leh dan loa bungrua inhalsakna a thleng niin an tarlang.