Telangana-a Maoist 7 thah zingah commander a tel

Telangana-a Mulugu district-ah nimin, Pathianni zing khan police-te beihpui thlaknaah Maoist hel pasarih thah niin an zingah hian helpawl commander pawh a tel tih police-ten an sawi. Beihpui an thlakna hmun hi Chalpaka ramngawah a ni.

Maoist leh elite anti-Moaists Greyhound force te hi zinglam dar 5:30 velah an inbei ṭan a ni. Greyhound lam hian Moaists te che tla hi nangchinin, inpe tura an tih hnu ah helpawl lam hian silai an hmetpuak hmasa a, police lam hian an chhang let ve niin police lam hian an tarlang.

Moaist mi leh sa thi hriat theih chin te hi Egolapu Mallaiah(43), Mussaki Deval(22), Mussaki Jamuna(23), Jai Singh(25), Kishore(22), leh Kamesh (23) te niin an ralthuam kawl lai, AK-47, G3 leh INSAS rifle bakah ralthuam dang leh puakthei thil te chu police lam hian an mansak bawk.

Pathiannia thil thleng hi kumin chhunga Moaist beihna thleng lian ber nia sawi a ni. November 21 khan police hnena Moaist chungchang report ṭhin tu, tribal mi pahnih chu thah an lo ni tawh a, an ruangah Moaist hian lehkha hnutchhiahin, state intelligence agency hnenah thu an thlen ṭhin vanga thah an nih thu an ziak a ni.