Service tax sang hmang ṭan

Union Finance Minis­ter Arun Jaitley-a'n bud­get session-a service tax 12.36% aṭanga 14%-a tihsan a rawtna chu nimin, June 1 aṭang khan hman ṭan a ni.

Service tax sang hian mobile, hotel leh zin veivahnate a huam bak­ah Railways, airlines, ban­king, insurance, adver­tising, architecture, con­stru­ction, credit card, event management leh tour operator-ahte service tax sang hi lak ṭan a ni bawk.

Mobile operator leh credit card company-te chuan subscriber-te hnenah tax rate tihsan anih thu hi an thawndarh tawh a ni.

Railway minsitry official chuan chhiah lak dan thar hnuaiah hian khualzin phur rel-a first class leh AC class bakah, bungraw phurhna manahte chhiah lak hi 0.5% in tihsan a nih thu an sawi.