Sweden-ah President Mukherjee a zin

President Pranab Mukherjee chu ni nga thanga Sweden leh Belarus tlawh turin a zinchhuak.

President hian Sweden tlawh hmasain Pathianni-ah Stockholm a thleng a, Crown Princess Victoria-in Arland aiport-ah a lo dawngsawng a ni. Hemi hnu hian King Carl XVI Gustaf leh Queen Sivlia-te chuan Royal Palace-ah a lawmna hun an buatsaih sak bawk.

Sweden-ah hian ni thum chamin, a cham chhungin Prime Minister Stefan Lofven, Parliament Speaker leh eptu hruaitute bakah, King leh Queen-te meeting a neihpui ang. President cham chhung hian India leh Sweden ram thawhdunna tur inremna thuthlung ziah beisei a ni.

Mukherjee hian Europe-a university upa ber, kum 1477-a din, Karolinska Institute and Uppsala University pawh a tlawh dawn a, Sweden rama India mi awmte nen hun an hmang ho bawk ang.