India-in Rafale fighter jet 36 chauh a lei dawn

Defence Minister Manohar Parrikar chuan sorkar hmasa, UPA sorkarin France ram aṭangin Rafale fighter jet 126 leina tur inremna lo siam tawh mah se, inremna siam tawh hi ṭhiatin fighter jet 36 chauh lei a ni dawn tih a sawi.

Minister chuan fighter jet 100 chuang lei chu a hautak dawn a, sipaite thuam chak leh tihchangtlunna tura hmalakna thlengin a nghawng thei dawn a, hei vang hian inremna hi siam danglam a ni leh ta a ni, a ti. Sum lam indaih lohna vang leh, hetizat lei hi ṭul lo nia ngaih a nih vangin fighter jet lei tum zat hi siamṭhat a ni, a ti.

Rafale fighter jet-te hi France firm Dassault hnen aṭanga lei a ni dawn a, dollar tluklehdingawn 5.5 vel man tur a ni.