NCB leh Sakhaw pawlten ruihhlo hmansual do nan MoU signs

Narcotic Control Bureau(NCB) leh sakhaw pawl lian pangate chuan Thawhṭanni khan 'Mission Spandan' hnuaiah ruihhlo hman sual dona tura thawhhona tur, Memorandums of Understanding(MoU) an ziak.

He hmalakna hi union home minister Amit Shah hmathlirna hmanga siam niin, ruihhlo hman sual leh a ngawlveina vanga harasatna thleng te hmachhawn a, do na tur atana ruahman a ni. Ruihhlo bawiha tangte chhanchhuahna atan hian sakhaw lam inkaihhruaina, inzirtirna leh thawh hona hrang hrang hmanga hma lak a ni ang.

Thawh hona tur an ziahnaah hian NCB Director General Anurag Garg chuan mission nih phung te tarlangin, 'Mission Spandan' kal tlang hian India chu ruihhlo awm lohna hmun atana siam tum a nih thu leh, in pumkhatna ṭha neih a ṭul zia te a sawi.

MoU an ziahah hian NCB aiawhin Deputy Director General, Special Wing(Legal and Awareness) Anand Prakash Tiwari bakah Art of Living Foundation, Brahma Kumaris, International Society for Krishna Consciousness (ISKCON), Sant Nirankari Charitable Foundation, leh Shri Ram Chandra Mission aiawhten an hming an ziak.

Agency chuan, "He thawh hona kaltlang hian NCB chuan technical support, educational resource-te a ṭul ang pein, tualchhung thuneitute pawh thawhpui an ni anga. Sakhaw lam pawl in a bulṭhut aṭangin ruihhlo chungchanga awareness campaign an nei ang a, ṭhalai pual programme leh vantlang mipuite tel theihna tur hmalaknate an kalpui thung dawn a ni," tiin a tarlang.