Sonia-in Dalit-te tan a ngensak

Congress President Sonia Gandhi chuan Thawhṭanni khan Prime Minister Narendra Modi-a hnenah lehkha thawnin, hnam hnuaihnung Dalit-te laka hleilenna hluar zel chungchang tarlangin, Parliament session hmasa berah pawikhawihna thleng ṭhinte laka venna tur bill siam turin a ngen.

Sonia Gandhi chuan BJP rorelna state pahnih- Rajasthan leh Maharastra-ah Dalit-te tihduhdahna a hluar hle tih a sawi. State pahnih bakah hian state dangah pawh Dalit-te laka hleilenna a thleng fo a ni tiin, hengte hi PM hian hriatpui se a duh thu a tarlang.

Gandhi chuan UPA-2 sorkar khan hnam hnuai­­hnung zawkte ven­him­na, SCs and STs (Pre­ven­tion of Atrocities) Act 1989, thuam chakna turin ordinance a siam a, mahse NDA sorkar chuan he or­dinance hi Standing Com­mittee-ah thawnin a lapse tir a ni tiin, pawi a tih thu a sawi.

Hetihlai hian Congress vice president, Rahul Gandhi chuan Dalit hnam hruaitu ropui, Indian Consti­tution ruangam dintu, Dr BR Ambedkar-a pianna, Madhya Pradesh-a Mhow khua chu nimin khan a tlawh.