IIT-Madras dean thupha chawi turin an phut

Prime Minister Na­ren­dra Modi leh a policy sawisel vanga IIT-Madras a zirlai pawl pakhat, Ambedkar Periyar Study Circle (APSC) ṭhiah a nih avanga lungawi lohna lantir chu chhunzawm zel a la ni.

Thawhlehni khan APSC member-te chuan an campus chhungah nawrh huaihawtin, an pawl ṭhiahsak an nihna chu sut tur leh, an laka action a lak avangin dean chu thupha chawi turin an phut bawk. Nawrh huaihawt cover tura kal journalist-te chu campus chhungah an luh phalsak a ni lo.

Human Resource Deve­lopment (HRD) Mi­nistry in IIT-Madras thu­neitute hnenah APSC-in PM leh a policy sawiselna lam hawi an thehdarh thu leh, complain an dawn thu a hriattir hnuah, insti­tution thuneitute hian zirlai pawl hi a ṭhiat nghal a, function neihna atan campus leh an bung­ruate hman khapsak an ni. Zirlai pawlte chuan hriattirna engmah dawng lawk loin an pawl hi ṭhiah­sak an nih tur sawiin, insawifiahna hun pawh an nei lo tih an sawi.

IIT-Madras zirlaite an thlawpna lantirin state danga IIT ah pawh nawrh huaihawt a ni a, college ṭhenkhat chuan an thlawpna lantirna atan Ambedkar Periyar Study Circle (APSC) pawl hi an din thar bawk.