Muslim hruaitute'n PM an hmu
Muslim hruaitu 30-te chuan Iman Umer Ahmed Ilyasi hoin Thawhlehni khan Prime Minister Narendra Modi an hmu.
PM Modi chuan sakhua leh hnam inthliarna politics chu a duh ngai loh thu Muslim hruaitute hi a lo hrilh a, majority leh minority politics tih vel chu ram tichhetu a ni, a ti. Muslim hruaitute chu an festival pawimawh laia amah hmu tura an kal chu lawmawm a tih thu a lo hrilh.
Modi chuan harsatna hrang hrang chinfelna chu hmasawnna leh hnathawh tur siam a ni tiin, hengte hi tihhlawhtlin ngei a tiam bawk. Hmasawnna tura sorkar laipui hmalakna hrang hrangte a lo hrilh a, hei bakah hian Gujarat Chief Minister a nih laia hmeichhe naupangte'n lehkha an zir theihna tura a hmalakna te, kite (lehkhachaih) industry a tharthawh leh dante pawh a sawi lang bawk.
Muslim hruaitute chuan kum khat kalta chhunga PM-in ram a hruai danah an lawm thu sawiin, ram hmasawnna atana thawhho zel an duh thu an sawi. Muslim te chuan politics-a inthliarna an duh lo a, hmasawnna chauh an duh tih PM hi an hrilh.
Meeting hi minute 45 chhung an nei a, Union Minister of State for Minority Affairs, Mukhtar Abbas Naqvi leh National Security Advisor, Ajit Doval te'n an telpui.