FSSAI in high-risk huangah package mineral water dah

Food Safety and Standards Authority of India(FSSAI) chuan kumtina audit a neih ṭhin a tih chhuah thar berah, tui in tur packaged drinking water leh mineral water chu 'high-risk food' category huangah a dah.

FSSAI hian November 29, 2024-a thupek tih chhuah zawmin, category hi a siamrem a ni. He category huanga licence holder-te chuan kumtin an packaged water an siam chu mihring hriselna atan a him em tih endik tura an thehluh a ngaih thu a sawi bawk.

Tun hnaiah Food Safety and Standard (Prohibition and Restiction on Sales) Regulation, 2011 siamṭhat chuan eitur ṭhenkhata Bureau of Indian Standards (BIS) certificate ngai ṭhin a ti bo a, mahse hengte hi ennawn a nih hnuah a leitute himna leh tui zawrh te ṭhat tawk leh himna lam tih hmasawnna tur atan FSSAI hian category hi a siamrem niin a tarlang.

Dan thar leh inkaihhruaina thar hnuaiah hian BIS certification chu ei tur siamchhuah ṭhenkhat ah neih ngei ngei ngai ti lo mah se, package-a tui zawrhte pawh tih bawlhhlawh awlsam tak a nih avangin high-risk huang chhung ah hian dah an ni ta a ni.