Rajya Sabha-a Congress MP ṭhutnaah pawsa tam tham tak chhar

Rajya Sabha chairman Jagdeep Dhankhar chuan nimin, Zirtawpni khan Congress MP Abhishek Manu Singhvi ṭhutna tura ruahmanah chuan security staff-in pawsa tam tham tak a hmuh thu a sawi. He thil thleng vang hian House chhungah rorellai leh eptu party member-te inaubuai lehin, boruak pawh a sosang hle.

Pawisa an chhar hi Rs 500 intelkhawm niin, 100 vel nia sawi a ni. Ningania Singhvi ṭhutna seat no 222-ah hmuh a ni tih chairman Dhankhar chuan a sawi.

Hetih lai hian MP Singhvi chuan pawisa an chhar hi a ta a nih loh thu sawiin, House-ah hian Rs 500 chauh kenga a kal thu leh, hun pawh a hman rei loh thu a sawi. "House hi dar 12:57 ah ka thleng a dar 1 ah ka chhuak lehnghal a hemi hnu hian dar 1:30 thleng canteen ah ka ṭhu a, parliament aṭang hian ka haw leh nghal a ni" tiin he thil thleng hi a hriatthiam loh thu leh, House ah hian minute thum bawr chauh a awm thu a sawi ve thung.

Leader of Opposition, Mallikarjun Kharge pawhin pawisa chhar chu tu ta nge tih chhui chian a nih hma chu chairman chuan member mi mal hming chu a sawi lang mai tur a ni lo, a ti.