Foreign Secretary in Dhaka tlawh dawn

Foreign secretary Vikram Misri chuan vawiin hian Bangladesh khawpui, Dhaka-ah ni khat cham turin a kal dawn.

Vikram Misri hi tunlaia Bangladesh-a Hindu leh hnam tlem zawkte laka hleilenna nasa tak thleng mek avanga inbiakna hun hmang tur niin, Bangladesh Foreign Secretary a kawm dawn a ni.

Misri hian Bangladesh hi Prime Minister aṭanga paihthlak tak, Sheikh Hasina rorelna tawp hnu leh buaina nasa tak a chhuah hnua a tlawh vawikhatna tur niin, Bangladesh Foreign Secretary Md Jashim Uddin bakah de-facto foreign minister Mohammad Touhi Hossain pawh a kawm nghal bawk ang. Bangladesh ram hruaitu lailawk hna chel mektu, Muhammad Yunus pawh chu darkar 12 a cham chhung hian phone call hmanga a biak tur thu tarlan a ni bawk.

India leh Bangladesh inkar hi Hasina paihtthlak a nih hnu aṭang khan ṭha lo chho zelin Hasina-in sahimna tura India a pan hnu lawkah rorelna hi Yunus hian a chelh ve nghal bawk. Ram pahnihte inkar hi Bangladesh-a Hindu puithiam Chinmoy Krishna Das man a nih hnu leh Hindu sakhaw be tute leh hnam hnufual zawk te chunga tharum thawhna leh hleilenna thleng a ṭha lo zual a ni.