Delhi ah Heroin kg 250 leh a neitu nia rin mi 2 man

Delhi Police te chuan Inrinni liam ta khan ruihhlo heroin kg 250 a rit leh a neitu nia rinhlelh mi pahnih te chu cenral Delhi ah an man. Zirtawpni khan Nasha Mukt Bharat Abhiyaan te puihnain Directorate of Revenue Intelligence (DRI) chuan Amphetamine litres 72 an lo man tawh bawk.

Ruihhlo an man zinga Amphetamine hi South Africa aṭanga rawn thawn niin international market-ah Rs vbc 150 chuang hu man a ni. Delhi huam chhungah tih ral tur a nih rin a ni a, a neitute hi an hming tarlan a ni lo thung. Heroin an man neitute hi Rogit(38) leh Akshay(38) te nia tarlan an ni.

Deputy Commissioner of Police (DCP) Harsha Vardhan chuan an mi mante hi a neitu ni loin, midang ta an hlanchhawn tur a nih thu a sawi. Heroin bakah hian cannabis gram 2.25 leh pawisa cheng fai, Rs 15,33,860 an man bawk niin a tarlang. An mi mante hian a hmain criminal record an lo nei tawh tih sawiin, chhui chian mek an ni, a ti.