India leh Belarus-in inremna an ziak

India leh Belarus chuan thawhdunna tur inremna thuthlung paruk an ziak.

President Pranab Mu­kherjee chuan ni hnih chamin Belarus a tlawh a, a cham chhungin in­remna hi ziahfel a ni. Be­larus President Ale­xan­der Lukashenko chuan President Mu­kher­­jee lawmna in­khawm buatsaihin, ram pahnih hruaitute hian sumdawnna lama thawhdunna nghet leh zau zawk neih dan te, mining leh education lama thawhdun dan turte an sawi.

Mukherjee chuan kum 1991-a Belarus ram a din aṭang khan ram India nen inlaichinna ṭha tak an nei chho nghal tih a sawi a, India-in United Nations Security Council member ngheh nih tuma a beihna kawnga Belarus-in a thlawp chu lawmawm a tih thu a sawi bawk.

Ram pahnihte'n inrem­na thuthlung an ziahte hi textiles, stan­dar­dization field leh broad­casting lama Prasar Bha­rati leh Belarus National State TV and Radio Com­­pany-te thawhdunna tur a ni a, SEBI leh Be­la­rusian Ministry of Fi­nance thawhdunna tur pawh ziah a ni bawk. Hei bakah hian Avoi­dance of Double taxation leh Prevention of Fiscal Eva­sion lama ram pahnihte thawhdunna tur pawh a tel.