Modi thlalak lan vangin Google in ngaihdam dil

Google image search-a India rama pawikhawihtute thlalak, 'Top 10 criminals in India' zingah Prime Minister Narendra Modi thlalak a tel avangin Google chuan Nilaini khan ngaihdam a dil.

Google thupuangtu chuan, "He­tianga result a lo lan dan hian keini pawh min tibuai hle a, hei hi Google ngaihdan tihlanna a ni lo. A chang chuan internet-a thlalak zawn hian mak tak tak a rawn lan chang a awm ṭhin. He thil avanga harsatna emaw, inhriatthiam lohna thleng a awm chuan ngaihdam kan dil a ni," a ti.

'Top 10 criminals in India' thlalak zinga Modi a lo lanna chhan hi British chanchinbu pakhatin dik lo taka Modi thlalak a tarlan vang niin Google chuan a sawi bawk.