US nen defence-a thawhdunna ziak

Nilaini khan India leh United States chuan defence lama thawhdunna tura inremna, Framework Agreement 2015 an ziakfel.

He inremna hian jet engine, aircraft carrier design leh siamna turte pawh a huam tel a ni.

Inremna thuthlung hi ni thum chama rawn zin, US Defence Secretary Ashton Carter-a cham chhungin ziah a ni a, Carter leh Defence Minister Manohar Parrikar-te'n an an ziak.

Carter hian Prime Minister Narendra Modi, External Affairs Minister Sushma Swaraj leh National Security Advisor Ajit Doval-te pawh a kawm a, defence lama ram pahnihte thawhdunna tihlen dan turte a sawipui. Minister Parrikar chu US tlawh turin a sawm nghal bawk a, Parrikar chuan a thuphungin a remti.