Bihar-ah RJD-JD(U)-Cong thawkho dawn: Yadav

Bihar assembly in­thlan neih turah Janata Dal (united), Rashtriya Janata Dal leh Congress party-te an thawkho dawn tiin JD(U) President Sha­rad Yadav chuan a sawi.

Yadav chuan BJP pawng zel tur paihthla turin an thawkho dawn tih a sawi a, "Ṭanrual kan mamawh avangin kan thawkho ngei ang. Inthlanah hian kan chuh vek dawn a, Congress, JD(U), RJD, NCP leh party dangte chuan ṭangrualin kan bei dawn a ni," a ti.

Hetihlai hian par­ty hrang hrangte hi thawk­ho turin an la inbe fel lo a, RJD leh JD(U) inkarah harsatna a awm nia sawi a ni. Mahse JD(U) President chuan, "Janata Parivar party inzawmkhawm tur chungchang puan a ni vek tawh a, hei vang hian lungrual taka kan thawhho ngei ka ring tlat a ni," a ti.

Congress party chuan RJD-JD(U) inkara boruak ṭha lo siam tumah BJP a puh a, mahse an inkar boruak siamṭhain assembly inthlan lo awm turah chuan an thawkho ngei dawn niin a sawi.