NEP 2020-in inthlakna a thlen dawn : PM Modi

Prime minister Narendra Modi chuan nimina School Education Conclave neihah thu sawiin National Education Policy (NEP) 2020 chuan inthlakna a thlen dawn thu a sawi.

"NEP thar chuan hun thara kai turin chi a tuh dawn a, kum zabi 21-naah India chuan kawng eng tak a neih phah dawn a ni. Kar khat chhung lekin he policy thar, NEP hi mi nuai 15 chuangin hmang turin rawtna an siam a ni," tiin Modi chuan a sawi bawk. 

Nimin khan Ministry of Education chuan Shiksha Parv (festival of education) peng pakhat atan 'School Education in 21st Century' conclave buat­saihnaah Modi hian NEP hmang duh an tam thu leh he policy ṭhat zia hi a sawi a ni. 

Shiksha Parv hi September 8 aṭang khan hman ṭan a ni a, September 25 thleng hman a ni ang. He hunah hian webinar leh conference hrang hrang neih a ni chho zel dawn a, NEP 2020 hman dan tur leh hemi chungchang sawi hona hi neih zel tum a ni.